ՈՒՇԱԴՐՈՒԹՅՈՒՆ. ՋԵՐՄԱՍՏԻՃԱՆԸ ԿԻՋՆԻ ՄԻՆՉԵՒ -27 ԱՍՏԻՃԱՆ



ՀՀ գյուղատնտեսության նախարարությունը զգուշացնում է

ՊՈԱԿ-ի տեղեկատվության համաձայն՝ առաջիկա օրերին հանրապետության ողջ տարածքում սպասվում է ձյան տեսքով առատ տեղումներ և ջերմաստիճանի կտրուկ անկում:

Հունվարի 2-ի լույս 3-ի գիշերային ժամերին Արարատյան հարթավայրում սպասվում է -15-ից -20 C, լույս 4-ի գիշերը՝ -17-ից -22 C

Հանրապետության լեռնային շրջաններում՝ -20-ից -25 C և -22-ից -27 C:

Նման ջերմաստիճանային ռեժիմի պայմաններում լրացուցիչ միջոցներ չձեռնարկելու դեպքում ջերմատներում և սինթետիկ թաղանթների տակ կարող են վնասվել գյուղատնտեսական մշակաբույսերը, պահեստներում, նկուղներում ու մառաններում պահպանվող կարտոֆիլի տնկանյութը, բանջարեղեններն ու պտուղները:

Ուժեղ սառնամանիքների և առատ տեղումների դեպքում չպետք է բացառել նաև էլեկտրականության ու ջրամատակարարման խափանման հավանականությունը:

Նկատի ունենալով վերոհիշյալը՝ ՀՀ գյուղատնտեսության նախարարությունը հորդորում է բոլոր ջերմոցատերերին ու գյուղացիական տնտեսություններին նշված և հետագա օրերի ընթացքում ցուցաբերել առավել մեծ զգուշություն ու զգոնություն և միջոցներ ձեռնարկել անհրաժեշտության դեպքում այլընտրանքային ջեռուցման կազմակերպման համար:

Խորհուրդ է տրվում նաև ուշադրության կենտրոնում պահել անասնագոմերն ու թռչնանոցները։

ՀՀ գյուղատնտեսության նախարարությունում հունվարի 1-ից 7-ն ընկած ժամանակահատվածում իրականացվելու է շուրջօրյա հերթապահություն: Անհրաժեշտության դեպքում կարելի է զանգահարել (055) 54-19-68:

ՀՀ գյուղատնտեսության նախարարության տեղեկատվության ևհասարակայնության հետ կապերի բաժին:




Отправить комментарий
Շնորհակալություն Մեկնաբանելու Համար!